Мăн  Явăш шкулĕн ачисем паян шкул çуртĕнче вырнаçнă ялти моделлĕ библиотекăран тухма та пĕлмеççĕ. Класĕ-класĕпе те, пĕчченшерĕн  те пыраççĕ. Библиотекăра Чăваш чĕлхин кунне халалласа курав йĕркеленĕ. Вăл Чăваш çĕр-шывĕн пуянлăхне, илемлĕхне çутатса парать, чаплă çынсемпе паллаштарать. А.В.Разумова библиотекарь ачасемпе тĕл пулма питĕ хавас пулчĕ. Иван Яковлевич Яковлев çинчен каласа пачĕ, ачасене ыйтусем парса ĕçлеттерчĕ, чĕлхе çинчен калакан халапсем вуласа кăтартрĕ. Вĕренекенсем те парăмра юлмарĕç: ыйтусем çине хастар хуравларĕç, сăвăсем вуларĕç, юлашкинчен «Илемлĕ, илемлĕ…» юрра шăрантарчĕç.