Паян, ака уйăхĕн 23-мĕшенче, Мăн Явăш шкулĕнче чăваш чĕлхипе литература эрнине уçрĕç. Эрнен пĕрремĕш кунĕ – „И.Я.Яколвев – чăваш халăхне çутта кăлараканĕ”. Шкул телевиденийĕ кунĕпех Аслă Вĕрентекенĕмĕрĕн пурнăçĕпе, ĕçĕ-хĕлĕпе паллаштарчĕ. Уроксенче те ун çинченех калаçрĕç, И.Я.Яковлевăн ăса вĕрентекен калавĕсене вуларĕç. Шкул линейки те паян Чăваш гимнĕпе пуçланчĕ. Ачасене шкул директорĕн çумĕ Сидорова М.В. чăваш чĕлхи эрни пуçланнă ятпа саламларĕ, тăван чĕлхепе тасан, илемлĕн калаçма чĕнчĕ. Чăваш чĕлхипе литературине вĕрентекен Васильева Т.М. ĕç планĕпе паллаштарчĕ, класс тулашĕнчи ĕçсене хастар хутшăнма сĕнчĕ.