Паянхи куна Мăн Явăш шкулĕ „Ырă çын пулар” чĕнĕве тĕпе хурса ирттерчĕ. Уроксенче те, уроксем хыççăн та ачасем И.Я.Яковлев вĕрентĕвĕсене ăша хыврĕç. Хамăр шкулта ирттермелли „Чăваш чĕлхи кунĕ”пултарулăх каçне,  районти „Уççăн янăра, чăваш чĕлхи” вулавçăсен конкурсне, Тури Ачак шкулĕнче  хутшăнмалли „Созвездие талантов”ача-пăча пултарулăхĕн уявне хатĕрленчĕç. Сăвă вулакансен конкурсне шкул шайĕнче ирттерсе тивĕçлисене района кăларас терĕмĕр. Конкурс çĕнтерÿçисем çаксем пулчĕç: 3 класри Яковлев Андрей, 4 класри Иванова Нелли, 5 класри Скворцова Александра, 7 класри Николаева Венера. Пыл хурч вĕлли пек сĕрлет шкул. Чăваш халăх вăййисене вылякансем те, сăвă вулама вĕренекенсем те, халăх юррисене шăрантаракансем те, инсценировка хатĕрлекенсем те  – тем ĕçлекен те пур. Учительсем те, шкул ачисем те Чăваш чĕлхипе литература эрнине тивĕçлĕ шайра ирттерме тăрăшни сисĕнет.