Мăн  Явăш шкулĕнче чăваш чĕлхипе литература эрни малалла пырать. Ака уйăхĕн 21- мĕшĕнче  1-мĕш класра вĕренекен ачасем  И.Я.Яковлев  чăваш букварĕ валли çырнă калавĕсемпе паллашрĕç. Çак калавсем тăрăх ÿкерчĕксем ÿкерсе сăрларĕç. Аслă çыравçăн калавĕсем ачасене ăса вĕрентеççĕ, тĕрĕс çын пулса çитĕнме хистеççĕ. И.Я.Яковлев калавĕсене ĕмĕр ытла  каялла çырнă пулсан та, вĕсем паянхи кунра та питĕ вăйлă витĕмлĕ. Ачасене ĕçе юратма, ваттисене хисеплеме,  яланах чăн сăмах калама вĕрентеççĕ.  Урок вĕçĕнче ачасем  хăйсен ÿкерчĕкĕсен выставкине  йĕркелерĕç.